اخاف احبكـ واعشقكـ ثم ترحل

اخاف احبك واعشقك ثـم ترحـل

واعيش بعـدك بالنـدم والحسافـه

واخاف احطك في عيوني وتزعـل

قبلك سكن بالقلب غيـرك وعافـه

إجتاحني حبـك للاعمـاق وإحتـل

مثل إحتـلال الاجنبـي للرصافـه

إن قلت أسافر ؟ يالغلا قلت لك ضل

لازم نخاف البعـد،، لازم نخافـه

قالو لي انسى من يعافك.. ترى ذل

قلت المصيبـه خاطـري مايعافـه

حاولت نسيانه ولا طاعنـي حـل

وعزيت حزني في قصيدي وقافـه

سألتهم ماجاوبونـي عـن الخـل؟

قالوا سكن ليل الجفـاء وإنتصافـه

(قلت اسمعوا ،، والدمع قدامهم هل

منساااه لين الدمع يعلـن جفافـه )

احبه اكثـر مـن حياتـي واسـأل

وارجع واقول إشجابني في ضفافـه

هو ملني .. والجرح حبه ولا مـل

يفرح اليا جاء في ضميري وشافـه

مهما يعيـش الـورد لابـد يذبـل

والغصن يلقـى هيبتـه بإرتجافـه

غيمه ومرت ديرتي غاويـة ظـل

جتني وانا بين الضمـا والصلافـه

اشتاق كثر موادعـه يـوم يرحـل

وانساه كثـر مواصلـه واعترافـه

يرضى ويزعل ثم اراضيه وازعل

مليـت افسـر رغبتـه وإختلافـه

ان قلت قرب موعـده هـو تمهـل

وعمري بسلك العنكبـوت إلتفافـه

هـذي حقيقـة مـن تمنـى تأمـل

في هالزمن كثـر التمنـي سخافـه

بين الرجاء والياس حلمـي تأجـل

مليت اعيشـك يـا حيـاة الكلافـه

شفت الوفـاء قـدام عينـي تبـدل

حتى تـرك طبعـه وخـلا عفافـه

ممـــآإآ رآإآق لـي ..

واوووووووووووووو روعه القصيده

يسلمووووووووووووو ملوكه

» اخاف من قدر الايام