ياخوك همي هم وجروحي جروح
وشلون ابنسى والليالي جروحي
ضايق وانا من زايف الوقت مجروح
ومن لوعة الايام عايش بروحي
ما ودي احكي عن همومي ولا ابوح
الا لولي العـرش سدي وبوحي
تخنقني العبره على صوت مبحوح
وأكنها دمـعه بعيني تفوحي
واحسهادله على جمر وتفوح
وتذوب من حر المعـاليق روحي
هذه المواجع احسبه يوم وتروح
اثر المواجع لالفـت ماتروحي
حتى بنت في خافقي برج وصروح
عن قمتي ما سولفت لـك سفوحي
والنوح من نوح اليمامه على الدوح
محد عرف ليه اليـمامه تنوحي
مدري طرب ولا من احزانها تنوح
ياقيس قم ياقيس واصـدح بدوحي
قصه مثيره في جسدها نفث روح
ياللعجب كم كنـت فيها لحوحي
طفلا حياته لعب واصراخ ومروح
واليوم جد الجـد مابه مزوحي
ارسم والون صورتي لون مفتوح
والقا غموضي في مـلامح وضوحي
عجزت ابفهم قصتي درس مشروح
غايه تبدد في مـداها وضوحي
كلي طلاسم غامضه بوجه مفضوح
وأصد عن عين الفـطين الفضوحي
دقتني الايام مسمـار في لوح
لين ارتكز مسـمارها وسط لوحي
دنيا ظلام وليل ما بيح البوح
والصبح في شمـسه بخيل وشحوحي
شفت الفرح في ساحة الحزن مذبوح
منظركئـيب بحالة الذل يوحي
لا تسألوني ليه وشلون وشنوح
حتى انا مدري ولا ابصـر ولا اوحي
ياخوك همي هم وجروحي جروح
وشلون الملم بالـيالي جروحي
وسلامتكم..
اتمنى ان تنال على اعجابكم..
الثلاثاء سبتمبر 15, 2009 4:59 am
المزاج : 