ياخوي جيتك اشكي الضيم مرتاب
من ضيقتن بالقلب زايد نكدها
هو من متى نضحك على فقد الاحباب؟
هو من متى هالبنت يصدق وعدها؟
اصبر ولا اجزي راعي الصد بغياب
ما اذل بنتٍ لو تخون بعهدها
صدري شمالي ياسع احباب واغراب
وانا قصيدي نابعن من مددها
يامرحبا به عد ما عاشقن ذاب
في حب عذرى كل بنت تحسدها
ملفاه في قلبي وسط هاك الاطناب
هذا مكانه وانت تبخص بلدها
من زينها ضاعت على حسنها اشناب
كن الزهر فيها يصافح جسدها
والشعر لو شفته ترديت منصاب
والعين كحلا والبلا وسط خدها
والجسم ناعم لو لمسته انا ذاب
والموت عندي لو احلي بشهدها
الله كريم ويجمع احباب واقراب
في دنيتن ضاع الوفا وسط يدها
الحب في هالوقت صادق وكذّاب
وانا دروب الحب اخشى عقدها
اعيش واحد لا مشاريه وعتاب
ولا اعيش وحالتي تنتقدها
الثلاثاء أغسطس 25, 2009 2:54 pm
المزاج : 
